Ysgogwr: Connagh Howard

“Mae ymarfer corff wedi helpu fi i ennill hyder a dwi wrth fy modd yn trawsnewid fy nghleientiaid i o ddydd i ddydd a’i gweld yn dod yn fwy hyderus a coelio fwy yn eu gallu eu hunain. Mae nhw’n profi fod unrhyw beth yn bosib os rowch chi eich meddwl arno”

Mae Connagh Howard yn wreiddiol o Gaerdydd yn hyfforddwr personol, model a chyflwynydd ac wedi ymddangos ar nifer o raglenni gan gynnwys y gyfres boblogaidd ‘Love Island’ (ITV) a ‘Cymru, Dad a Fi’ (S4C).

Cafodd flas ar ysgogi arweinwyr cyfres 5 ‘FFIT Cymru’ wrth osod tasg heriol iddynt ac mae’n edrych ‘mlaen at roi sialensau newydd yn ystod tasgau cyfres 6.

Mae Connagh yn hyfforddwr personol gyda nifer o gleientiaid wyneb-yn wyneb ac ar-lein ac mae’n edrych ymlaen at gyd-weithio gyda arweinwyr FFIT Cymru a’i gyd-arbenigwyr.